Papa Gerrit

zo inens
kan hee
weer veur mien staon
a’k ne book laeze
of luuster
naor meziek

a’k an ‘t prutjen bunne
en
at hee meent
't weer better
te wetten

a´k bi’j ’t schilder’n
weer es
neet good
in de heuke
bun ‘ewest

soms is hee
d’r inens
a’k helemaol neet
an um dachte

ik mis ´m
ik mis dat gedramte
ik mis ontzettend
zienen leeven kop!

maor ‘k bun bli´j
at hee
soms
nog ‘s
effen
um de deure
kump kieken

4 juni 2007